Кіраўнік украінскай разведкі мінабароны Кірыл Буданаў распавёў некаторыя падрабязнасці ўчорашняй атакі на расійскія знішчальнікі СУ-30. Паводле Буданава, абодва былі збітыя ракетамі з беспілотных катэраў. Экіпаж аднаго з іх, імаверна, загінуў.
Кіраўнік ведамства паведаміў выданню The War Zone, што Упраўленне ваеннай разведкі Украіны збіла два знішчальнікі Су-30 «ракетамі класа «паветра-паветра» з інфрачырвоным навядзеннем AIM-9 Sidewinder, выпушчанымі з беспілотнікаў «Магура-7». Гэта першы выпадак, калі знішчальнікі былі збітыя беспілотнікамі, і першае выкарыстанне AIM-9 з беспілотніка для знішчэння.
«Гэта гістарычны момант», — сказаў Буданаў.
У сацыяльных сетках з'явілася відэа, на якім бачны першы збіты СУ-30. Буданаў заявіў, што ні відэа, ні здымкаў другога сутыкнення няма.
Паводле слоў Буданава, ГУР выкарыстала ў атацы тры беспілотнікі «Магура-7», два з якіх стралялі па самалётах. Ён растлумачыў, што «Магура-7» — гэта варыянт «Магура-5» для супрацьпаветранай абароны, адмовіўшыся ўдакладніць розніцу паміж імі.
Буданаў заявіў, што экіпаж першага Су-30 выжыў і быў падабраны ў Чорным моры грамадзянскім суднам. Папярэдне, экіпаж другога самалёта загінуў, дадаў ён.
Прэзідэнт Украіны Уладзімір Зяленскі ў вячэрнім відэазвароце 3 мая паведаміў аб двух за дзень знішчаных баявых самалётах РФ.
«Вельмі трапна наша армія правяла аперацыю па вайсковых аб'ектах на тэрыторыі Крыма: мінус яшчэ адзін, другі расійскі самалёт за суткі. Таксама знішчаныя вайсковыя склады», — сказаў Зяленскі.
Ён падзякаваў адмыслоўцам, якія нарошчваюць украінскія дальнабойныя магчымасці — «і ў небе, і на моры».
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Нешта не тое ў другім войску свету))