Тур не будзе насіць георгіеўскую стужку, але прычына не тая, што вы падумалі
Прапагандыст Ігар Тур патлумачыў, чаму ён прынцыпова не носіць георгіеўскую стужку. Прычына, калі коратка, у тым, што ён не заслужыў.
Тур кажа, што не насіў значок з чырвона-зялёным сцягам на пінжаку, бо яму афіцыйна не ўручылі яго як знак адрознення.
«Я не дзяржслужачы, так што да моманту ўручэння мне гэтага знака адрознення я не ішоў у ларок і сам яго не купляў», — кажа ён.
Таксама Тур не носіць георгіеўскую стужку, таму што яна, распавядае ён, з’яўляецца часткай дзяржаўных узнагарод у Расіі — у прыватнасці, прымацоўваецца да ордэнаў і медалёў, або выкарыстоўваецца на гвардзейскіх сцягах.
«Я не гвардзеец, і ўжо тым больш не ўдастоены гонару атрымаць дзяржаўную ўзнагароду, да якой гэтая стужка і прыкладаецца», — — тлумачыць ён.
За апошнія дні Аляксандр Лукашэнка двойчы апраўдваўся за георгіеўскія стужкі: перад Пуціным і нават перад пуцінскім паслом.
Лукашэнка пераконваў, што ў Беларусі «ніхто не забараняе ні ў якім разе георгіеўскія стужачкі». Але пры гэтым ён прапанаваў Пуціну вывучыць гісторыю георгіеўскай стужачкі і назваў яе «своеасаблівай».
У Беларусі замест георгіеўскай стужачкі даўно прыдумалі чырвона-зялёныя бутаньеркі з яблыневым цветам. Ідэолагі вырашылі дыстанцыявацца ад георгіеўскай стужачкі пасля 2014 года, калі яна стала трывала асацыявацца з рускім светам і захопам Данбаса.
З тых часоў прарасійскія актывісты сістэматычна крытыкуюць чыноўнікаў за негалосную забарону на георгіеўскія стужачкі. Відаць, інфармацыя цяпер дайшла і да Крамля — Лукашэнку давялося апраўдвацца.
Масавая раздача георгіеўскіх стужак у Расіі пачалася ў 2005-м. Такім чынам пуцінскі рэжым спрабаваў стварыць новы ўніверсальны сімвал, прымальны для народаў былога СССР, замест дыскрэдытаванага савецкага сцяга. Пасля георгіеўскую стужку выкарыстоўвалі падчас захопу ўкраінскіх зямель у 2014 і 2022 гадах.
-
Аргенцінец закахаўся ў беларуску і пераехаў на хутар пад Маладзечнам
-
Беларус спазніўся на самалёт з Дубая і просіць кампенсацыю. Тураператар кажа, што ён сам вінаваты
-
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»26
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары
Буду ржать уголас когда Путин отправит беларуских силовиков и пролукашенковских б..й на передовую... Нужно ведь теплые места для СВОИХ освободить.... А похоже время уже подходит и народец на грани "путя приди"....