«Добры дзень для Германіі». Рэакцыі нямецкіх партый на правал Фрыдрыха Мерца на выбарах канцлера
Сёння ў Бундэстагу дэпутаты не змаглі зацвердзіць Фрыдрыха Мерца новым канцлерам Германіі. Яму не хапіла шасці галасоў. Рэакцыі нямецкіх палітыкаў падзяліліся, піша Bild.
У Сацыял-дэмакратычнай партыі Германіі заявілі, што сабатаж, верагодна, зыходзіць ад іх партнёраў па кааліцыі — дэпутатаў ХДС.
У ХДС (Хрысціянска-дэмакратычны саюз), наадварот, абвінавацілі ў сабатажы СДПГ. Фрыдрых Мерц мае намер зноў балатавацца ў канцлеры на наступным туры, які, магчыма, адбудзецца ўжо заўтра.
Лідар «Альтэрнатывы для Германіі» Аліса Вайдэль запатрабавала адстаўкі Фрыдрыха Мерца і выступіла за правядзенне новых выбараў. Сустаршыня партыі Ціна Хрупала заявіў, што «гэта добры дзень для Германіі».
Старшыня партыі «Зялёных» Фелікс Банашак назваў правал Мерца «паваротным момантам», але «не ў добрым сэнсе». На яго думку, «зараз не час для пратэснага галасавання. Германіі і Еўропе патрэбна стабільнасць».
Каментары