Былы палітзняволены Юрась Зянковіч расказаў, як да яго на суд прыйшоў Раман Пратасевіч — той даваў паказанні па справе «змовы генералаў». Пратасевіч у той гісторыі быццам спрабаваў знайсці грошы на пераварот.
Гаворачы пра Пратасевіча, Зянковіч адразу падкрэслівае, што ніякіх прэтэнзій да Рамана не мае.
— З майго пункту гледжання, асуджаць яго могуць толькі тыя, хто сам прайшоў праз зняволенне. Толькі чалавек, які быў [за кратамі], асабліва у «амерыканцы», можа зразумець, як сябе адчувае іншы ў той абстаноўцы.
Юрась Зянковіч кажа, што першы час на судзе Раман хаваў вочы, не хацеў сустракацца позіркам з ім. Але падчас перапынку ў судзе Юрась папрасіў свайго адваката сказаць Пратасевічу, што сам Зянковіч усё разумее і не мае ніякіх асабістых прэтэнзій.
— Пасля гэтага мы нават пасміхнуліся адно аднаму. Ён распавёў усё тое, што гаварыў раней падчас следства.
Юрась не памятае, ці задаваў нейкія пытанні Раману падчас суда — кажа, што хутчэй за ўсё пытаўся нешта тэхнічнае ў межах крымінальнай справы.
Сам Зянковіч адзначае, што беларускія спецслужбы прапаноўвалі яму супрацоўніцтва і тэарэтычна роля, якую сыграў Пратасевіч, магла дастацца яму самаму — але ён, маўляў, адмовіўся.
— З красавіка 2021 года і да моманту, калі ў Мінску прымусова пасадзілі самалёт Ryanair, мне вельмі настойліва прапаноўвалі ролю, якую ў выніку згуляў Раман Пратасевіч. Мне агучылі прапанову выступіць на дзяржаўным тэлебачанні, даць прэс-канферэнцыю, расказаць, як усё дрэнна ў апазіцыі. Пасля гэтага мяне быццам бы павінны былі перавесці пад хатні арышт, справу потым бы спусцілі на тармазах. Як мне сказалі: «Ты зможаш застацца ў Беларусі, праз некаторы час атрымаеш нейкую пасаду, нейкую працу». Я сказаў, што такая прапанова мяне не цікавіць і я ў такіх гульнях удзельнічаць не буду.
Зянковіч верыць, што Пратасевіч стаў удзельнічаць ва ўсім гэтым шоу не зусім добраахвотна.
— Наколькі я чуў, да яго ўжывалі шантаж і маральныя катаванні. Яго сілай прымусілі супрацоўнічаць. Я не знаю, што ў яго адбываецца цяпер. З Раманам мы знаёмы шмат гадоў. Мне здаецца, на яго працягваюць ціснуць беларускія спецслужбы.
Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў
Зянковіч пра Верамейчыка: Ужывалі фізічны гвалт, каб прымусіць яго сказаць на БТ тое, што хочуць пачуць
«Быў упэўнены, што я недатыкальная асоба для расіян». Першае інтэрв'ю Юрася Зянковіча на свабодзе
Стала вядома, што цяпер адбываецца з палітвязнем Юрасём Зянковічам, якога вызвалілі па просьбе ЗША
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары
а Пратасевіч жа ў гэным шоу казаў, што зайздросціў вядомасці і папулярнасці некага там... ці я нехта блытаю?