«Родненькі!» Рэдкі чорны бусел усё ж такі вярнуўся на Клеччыну — спазніўся на месяц
Рэдкая птушка прылятае ў Клецкі раён ужо некалькі гадоў запар. Дачакаліся бусла і гэтым разам.
Рэдкі чорны бусел з’явіўся ў раёне аграгарадка Сякерычы. Ён прылятае ў Клецкі раён з году ў год, на гэты раз бусел з’явіўся на месяц пазней, чым звычайна.
Мясцовыя жыхары заўважылі, што птушка стала бліжэй да чалавека. А яшчэ яна далучылася да статкаў белых буслоў, піша «Клецк. Навіны». Магчыма, змяненне клімату і трансфармацыя навакольнага асяроддзя ўносяць свае карэктывы ў звыклы лад жыцця бусла, прымушаючы яго адаптавацца і шукаць новыя шляхі выжывання.
Асабліва кранальна назіраць за тым, як птушка асвойваецца побач з людзьмі. Калі раней чорны бусел аддаваў перавагу глухім лясам і цяжкадаступным балотам, то цяпер яго ўсё часцей можна сустрэць паблізу населеных пунктаў.
Аўтар відэа называе чорнага бусла «Родненькі». Мясцовыя ж ужо прывыклі, што птушка прылятае кожны год — яна стала адным з сімвалаў раёна.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары
майстар стрыжэ мяне і адначасова дзеліцца сваімі жыццёвымі гісторыямі
пайшла, - кажа, - у лес, стамілася, села на пянёк, як раптам ззаду ў плячо мне нехта - тук. перапужалася. паварочваюся. а гэта бусел. брудны. ванючы. і гэта сімвал наш...
ды яны зараз на сметніцах жывуць, - кажу, - таму і брудны, і ванючы
а пра чорнага не скажаш, што ён брудны )