На Віцебшчыне мужчына на вачах дзяцей збіў цяжарную жонку, абліў яе бензінам і пагражаў спаліць
У адным з населеных пунктаў Талачынскага раёна адбылося здарэнне, якое ледзь не скончылася трагедыяй, паведамляе Дзяржаўны камітэт судовых экспертыз.
П'яны мужчына распачаў канфлікт са сваёй цяжарнай жонкай. Ён нанёс ёй мноства ўдараў рукамі і нагамі па галаве і целе, збіў яе з ног і абліў бензінам. Пагражаў спаліць жонку жыўцом ён на вачах у іх малалетніх дзяцей.
Экспертыза пацвердзіла, што вылітая вадкасць была сапраўдным бензінам, здольным успыхнуць ад найменшай іскры.
Судова-медыцынская экспертыза выявіла ў жанчыны шматлікія сінякі, нанесеныя, верагодна, рукамі і нагамі.
Псіхіятрычная экспертыза ўстанавіла, што абвінавачаны пакутуе на хранічны алкагалізм.
Пасля разгляду справы суд прызнаў мужчыну вінаватым у пагрозе забойствам і прызначыў яму пакаранне ў выглядзе пазбаўлення волі на тэрмін 1 год 6 месяцаў. Дадаткова да яго прымененыя меры прымусовага лячэння ад алкагольнай залежнасці.
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары