Міністр унутраных спраў Літвы выказаўся за тэхнічнае ўзмацненне мяжы з Беларуссю
Уладзіслаў Кандратовіч кажа, што ўжо цяпер неабходна задумацца аб абнаўленні тэхнічнага абсталявання на мяжы з Беларуссю і Расіяй, паведамляе LRT.
«Мы бачым, што сапраўды неабходна інвеставаць у абсталяванне, у тым ліку ў абсталяванне для назірання. На жаль, сістэмы маюць уласцівасць з часам старэць. Нам трэба пачаць падрыхтоўку да абнаўлення ўсіх сістэм ужо сёння», — заявіў міністр журналістам у панядзелак падчас візіту на мяжу з Беларуссю разам з камісарам Еўрапейскай камісіі па ўнутраных справах і міграцыі Магнусам Брунерам.
Паводле яго слоў, неабходна таксама абсталяваць пад’ездныя шляхі да дзяржаўнай мяжы.
«Як мы бачым, аператыўнае рэагаванне дазваляе своечасова абараняць нашу мяжу і стрымліваць нелегальных мігрантаў, якіх выкарыстоўваюць як зброю супраць нашай краіны, ад перасячэння нашай мяжы», — сказаў міністр.
Паводле яго слоў, нельга забываць і пра падрыхтоўку памежнікаў. Кандратовіч выказаў надзею, што Еўрасаюз (ЕС) выдзеліць сродкі на забеспячэнне бяспекі межаў.
«Калі б была такая магчымасць прафінансаваць гэтыя праекты, гэта было б сапраўды добра», — сказаў ён.
Кандратавіч заклікаў Еўракамісію ўлічваць фінансавыя патрэбы памежных краін ЕС, такіх, як Літва, звязаныя з умацаваннем бяспекі знешніх межаў і крытычнай інфраструктуры, падчас перамоваў аб будучым шматгадовым бюджэце Супольнасці.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам30
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары