Міжнародны алімпійскі камітэт (МАК) афіцыйна паведаміў, што расійскія спартыўныя каманды, уключаючы нацыянальную зборную па хакеі, не змогуць прыняць удзел у зімовай Алімпіядзе 2026 года ў Італіі. Гэта звязана з дзейнымі санкцыямі, уведзенымі пасля пачатку поўнамаштабнай вайны супраць Украіны.
Рашэнне было апублікавана пасля таго, як у Расіі з'явілася інфармацыя пра перамовы паміж Федэрацыяй хакея Расіі і Міжнароднай федэрацыяй хакея (IIHF) наконт магчымасці ўдзелу расійскай зборнай у Гульнях. У МАК, аднак, нагадалі, што іх рэкамендацыі з сакавіка 2023 года застаюцца ў сіле, і каманда з нейтральных спартоўцаў не можа лічыцца афіцыйнай зборнай.
Нягледзячы на строгія абмежаванні, асобныя расійскія і беларускія спартсмены раней змаглі ўдзельнічаць у летняй Алімпіядзе 2024 года ў Парыжы, але толькі ў нейтральным статусе — без сцяга, гімна і іншых нацыянальных знакаў. Гэтак жа сама можа быць і цяпер.
Некаторым фігурыстам з Расіі і Беларусі ўжо дазволілі выступіць у кваліфікацыі да зімовай Алімпіяды-2026, але таксама выключна як нейтральным атлетам.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары