Прэзідэнт Украіны Уладзімір Зяленскі заклікаў да трохбаковага саміту з Дональдам Трампам і Уладзімірам Пуціным, так ён імкнецца прымусіць Маскву спыніць вайну, паведамляе AFP.
Раней прэзідэнт Расіі Пуцін адхіліў заклікі сустрэцца з Зяленскім у Турцыі — Крэмль заявіў, што сустрэча паміж двума лідарамі адбудзецца толькі пасля дасягнення нейкага «пагаднення».
Між тым прэзідэнт ЗША выказаў незадаволенасць як Пуціным, так і Зяленскім за тое, што яны яшчэ не дасягнулі пагаднення аб заканчэнні вайны.
«Калі Пуціну некамфортна пры сустрэчы сам-насам, або калі ўсе хочуць, каб гэта была трохбаковая сустрэча, я не супраць. Я гатовы да любога фармату», — сказаў Зяленскі журналістам.
Украінскі лідар сказаў, што ён «гатовы» да сустрэчы «Трамп — Пуцін — я», а таксама заклікаў Вашынгтон ударыць па Маскве пакетам жорсткіх санкцый у дачыненні да яе банкаўскай і энергетычнай сферы.
«Мы чакаем санкцый ад Злучаных Штатаў Амерыкі», — сказаў Зяленскі.
«Трамп пацвердзіў, што калі Расія не спыніцца, санкцыі будуць уведзеныя. Мы абмеркавалі з ім два галоўныя аспекты — энергетыка і банкаўская сістэма. Ці змогуць ЗША ўвесці санкцыі супраць гэтых двух сектараў? Мне вельмі хацелася б гэтага».
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары