Беларус прыехаў з Польшчы абнавіць пашпарт, а стаў фігурантам крымінальнай справы з забаронай на выезд. І пытанне не ў палітыцы
На мяжы ў аўтобусе, які ехаў з Польшчы ў Беларусь, нібыта былі знойдзены наркотыкі.
Беларус, які мае пастаяннае месца жыхарства ў Польшчы, вырашыў наведаць радзіму, каб абнавіць свой пашпарт. Пасля пакупкі білета і пасадкі ў міжнародны аўтобус ён стаў фігурантам крымінальнай справы. На мяжы ў аўтобусе, які ехаў з Польшчы ў Беларусь, нібыта былі знойдзены наркотыкі, піша express.live.
Папярэдняя інфармацыя сведчыць, што супрацоўнікі пагранічнага камітэта і міліцыі перапісалі даныя ўсіх пасажыраў. Кожны з іх цяпер праходзіць як сведка і адначасова падазраваны па крымінальнай справе.
Мужчына, з якім паразмаўлялі журналісты, да гэтага часу знаходзіцца ў Беларусі і не можа вярнуцца ў Польшчу.
— Не ведаю, ці сапраўды былі ў аўтобусе наркотыкі. Але мяркуючы па тым, што адбываецца, допыты і «папераджальныя меры» мне амаль гарантаваны, — паведаміў ён.
Па яго словах, прычынай паездкі стала заканчэнне тэрміну дзеяння беларускага пашпарта, які неабходны для выканання шэрагу бюракратычных працэдур у Польшчы.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары