Ніну Багінскую вызвалілі без пакарання, крымінальную справу закрылі
У Мінску прайшоў суд над актывісткай Нінай Багінскай. На судовае паседжанне над 78-гадовай жанчынай нікога не пусцілі, у тым ліку прадстаўнікоў дыпламатычных місій. Такое рашэнне прыняў суддзя Максім Трусевіч, які выносіў палітычна матываваныя прысуды дзясяткам актывістам, піша «Белсат».
Ніна Багінская прынесла з сабой на паседжанне дыск з запісам прамовы Аляксандра Лукашэнкі. 20 кастрычніка 2020 года ён сказаў пра актывістку:
«Вы глядзіце толькі Ніну Багінскую не забірайце з плошчаў. Калі Ніну Багінскую прыбраць, то апазіцыі не будзе. Няма каму хадзіць будзе. Я памятаю Ніну Багінскую, жартам кажу, яна яшчэ хадзіла ў службе бяспекі Пазняка працавала. Ну, малайчына. Яна перакананы чалавек. Яна перакананы. Так, яе погляды кардынальна разыходзяцца з нашымі. Але гэта перакананы чалавек і яе ні ў якім разе нельга забіраць з вуліцы, бо дэкарацыі знікнуць».
У Ніны Багінскай вялікія праблемы са здароўем — яна мае шэраг цяжкіх хранічных захворванняў. Усе дакументы, якія пацвярджаюць дыягназы, знаходзяцца на руках.
Ніну Багінскую абвінавачвалі па артыкуле 342-2 (неаднаразовае парушэнне закона аб правядзенні масавых мерапрыемстваў). У аснове абвінавачання — адміністрацыйныя пратаколы і судовыя пастановы за 2024 год. Усе яны датычацца выкарыстання нацыянальнай сімволікі і адзін пратакол быў складзены за майку з надпісам: «Не вайне!».
«Белсат» даведаўся, што актывістку вызвалілі без пакарання, а крымінальную справу спынілі.
-
Аднавілі мост там, дзе яго не магло быць, бо не змаглі знайсці яго рэальнае месца. Што за рэстаўрацыя адбываецца ў Жылічах?
-
У Мінску затрымалі пенсіянера, які краў тэлефоны, пакінутыя на вакзале на падзарадку. Ён вінаваціць уладальнікаў
-
Жанчына набыла ў фірмовай краме «Беліты» падарункавы сертыфікат. У іншай краме яго не прынялі
Цяпер чытаюць
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
Але, вельмі добра, што незаконная ўлада пабаялася асудзіць беларускую гераіню. Хоць так. Дзякуй усім хто пісаў пра гэты "суд". Дзякуй дыпламатам, якія прыйшлі да будынку суда. Але, у першую чаргу - дзякуй спадарыня Ніна, што Вы моцная асоба, якая любіць Беларусь.