Еўрапейская камісія дала афіцыйную згоду на ўвядзенне еўра ў Балгарыі. Паводле заявы камісіі, краіна выканала ўсе неабходныя ўмовы, каб перайсці на адзіную еўрапейскую валюту з 1 студзеня 2026 года.
Еўрапейскі цэнтральны банк таксама адзначыў, што эканоміка Балгарыі «дастаткова падрыхтаваная» да гэтага кроку, піша Bild.
«Балгарыя сёння наблізілася на адзін крок да прыняцця еўра. Краіна зойме сваё законнае месца ў фарміраванні ключавых рашэнняў еўразоны», — заявіла старшыня Еўракамісіі Урсула фон дэр Ляен.
Галоўны эканаміст ЕЦБ Філіп Лэйн дадаў, што ўрад у Сафіі праявіў «вялікую рашучасць», каб правесці неабходныя рэформы.
Раней увядзенне еўра адкладвалася з-за высокай інфляцыі ў краіне. Цяпер жа, паводле дадзеных Еўракамісіі, сярэдні ўзровень росту цэн у мінулым годзе склаў 2,7%, што крыху ніжэй за дапушчальны парог.
Калі міністры фінансаў ЕС ухваляць рашэнне ў ліпені, Балгарыя стане 21-м членам еўразоны — і самым бедным па ўзроўні даходаў.
Нацыянальная валюта Балгарыі — леў — з 2020 года ўжо прывязана да еўра праз спецыяльны валютны механізм.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары