«Вось і ўсё. Няма ў мяне больш брата. Саша сышоў у лепшы свет ва ўзросце 46 гадоў», — напісала ў сваім фэйсбуку былая палітзняволеная Вольга Класкоўская.
Яна дадала, што прычынай смерці магло быць сэрца, але будзе экспертыза.
Аляксандр Класкоўскі нарадзіўся 26 верасня 1978 года ў сям'і вядомых беларускіх журналістаў Аляксандра і Людмілы Класкоўскіх.
У 1999 годзе паступіў на службу ў ДАІ Ленінскага раёна Мінска, быў інспектарам ДПС. У 2005 г. вымушана пакінуў МУС у чыне лейтэнанта міліцыі.
19 снежня 2010 года падчас Плошчы-2010 выйшаў у міліцэйскай форме сярод пратэстоўцаў. Быў затрыманы ў сябе дома наступнай ноччу — на 21 снежня 2010 г. Пры гэтым быў моцна збіты. Змешчаны ў СІЗА КДБ, абвінавачаны па трох крымінальных артыкулах і асуджаны на пяць гадоў. Быў памілаваны і вызвалены з шклоўскай калоніі 14 верасня 2011 г.
Пасля 2020 года пакінуў Беларусь, жыў у ЗША. Быў жанаты, меў трох дзяцей.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары