Без тэлефанаванняў і лістоў: што вядома пра асуджанага на 11 гадоў святара Акалатовіча
Ужо паўтара месяца знаходзіцца ў калоніі асуджаны на 11 гадоў пазбаўлення волі каталіцкі святар Генрых Акалатовіч. Былы пробашч парафіі ў Валожыне быў пераведзены ў калонію ў Бабруйску на Вялікдзень, 20 красавіка, піша katolik.life.
Стала вядома, што 65-гадовага святара вызначылі ў атрад №4. Таму лісты яму можна накіроўваць па наступным адрасе:
- Акалатовічу Генадзю Уладзіслававічу
- ІК №2, атрад №4,
- 213807, вул. Сікорскага, 1, Бабруйск
- Магілёўская вобласць
За гэтыя паўтара месяца лістоў ад святара амаль не было. У асяроддзі вернікаў вядома толькі пра адзін кароткі ліст, які дайшоў ад ксяндза. У ім ён прасіў выслаць лекі (ён мае цяжкія хваробы) і пісаў, што рады «несці крыж мучаніцтва за Бога, за веру, за Касцёл», паведамляў, што просіць Госпада аб умацаванні ў веры, перадаваў усім удзячнасць.
Ніводнага тэлефоннага званка, які належыць асуджаным, таксама пакуль не было, наколькі вядома вернікам.
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары
Разве его не Генрих зовут?
Это как митрополит Иосиф и Юзеф Станевский или Андрей и Анджей Почобут...