Шчаслівым уладальнікам трафея стаў рыбалоў з Мінска Міхаіл Мінец, які прыехаў парыбачыць на Прыпяць разам са сваімі таварышамі, піша fishing.by.
Нягледзячы на немалы рыбалоўны стаж, Міхаіл быў шчыра здзіўлены таўсталобікам, бо першапачаткова меркавалася рыбалка на ляшча.
«Рыбачым недалёка ад моста на Прыпяці ў Мазыры. Лавілі ляшча, але рыба была не вельмі актыўная, і раптам клюнуў гэты гігант. Цягнулі мы яго каля гадзіны. Усе на эмоцыях. Таўсталобік цяпер сядзіць на прывязі», — распавёў удачлівы рыбалоў fishingby.com.
Паводле слоў рыбалова, спробы ўзважыць трафей поспехам не ўвянчаліся — вагі зашкалілі на 25 кг, але на вока ў ім не менш за 30 кг.
Злоўлены Міхаілам таўсталобік стаў не толькі яго асабістым рэкордам, але і прэтэндуе на рэкорд Беларусі ў 2025 годзе па гэтым відзе рыбы ў аматарскім лове.
Каментары