Мінздароўя баіцца, што пакістанцы прывязуць у Беларусь ліхаманкі Крым-Конга і Чыкунгунья
Унутраныя дакументы, што аказаліся ў распараджэнні «Белпола», сведчаць аб тым, што Міністэрства аховы здароўя афіцыйна праінфармавала адміністрацыю Лукашэнкі аб рызыках і праблемах, звязаных з прыцягненнем працоўных мігрантаў з Пакістана.
У прыватнасці, намеснік міністра аховы здароўя, галоўны дзяржаўны санітарны доктар Беларусі С. Нячай накіраваў у Адміністрацыю аналітычную запіску, у якой пералічаны высокія эпідэміялагічныя рызыкі у сувязі з планаваным масавым уездам грамадзян Пакістана ў нашу краіну.
Згодна з заключэннем, існуе верагоднасць завозу на тэрыторыю Беларусі наступных захворванняў:
- паліяміэліт;
- брушны тыф;
- адзёр;
- халера;
- малярыя;
- ліхаманка Дэнге;
- ліхаманка Крым-Конга;
- ліхаманка Чыкунгунья.
У якасці прэвентыўных мераў Мінздароўя прапануе абавязковае правядзенне лабараторных даследаванняў і вакцынацыі мігрантаў за кошт дзяржаўнага бюджэту, што прадугледжана ў межах указа Лукашэнкі ад 21 мая 2025 года № 202 «Аб павышэнні ролі наймальнікаў у сферы знешняй працоўнай міграцыі».
«Белпол» зазначае, што медыцынскі агляд і вакцынацыя аднаго працоўнага мігранта абыдзецца бюджэту ў 460 рублёў. Такім чынам, пры прыцягненні заяўленай колькасці мігрантаў (150 000 чалавек), сукупныя дзяржаўныя выдаткі складуць 69 мільёнаў рублёў.
Да гэтай сумы неабходна яшчэ дадаць 300 тысяч рублёў для закупкі вакцыны супраць адру ў Расійскай Федэрацыі.
Нагадаем. што раней Лукашэнка казаў пра планы запрасіць у Беларусь да 150 тысяч мігрантаў з Пакістана.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы13
Каментары
Адтуль .....