Эканоміка55

У мінскіх крамах з'явілася маладая бульба. Адкуль і па колькі?

Чэрвень — самы час для з'яўлення першай маладой бульбы. Выданне Blizko.by даведалася, як з ёй справы ў сталічных крамах.

Сёлета вясной быў ажыятажны попыт на бульбу ў крамах. У пачатку лета з'яўляецца першая маладая бульба ўраджаю гэтага года. Журналісты схадзілі ў крамы Мінска і паглядзелі, ці ёсць маладая бульба ў наяўнасці і якія на яе цэны. 

Што з маладой бульбай?

У супермаркеце «Еўраопт» на праспекце Дзяржынскага, 104Б ёсць бульба як ураджаю 2024-га года, так і цяперашняга.

Што тычыцца маладой бульбы, то яна тут прадстаўленая двух відаў: звычайная (3,92 рубля) і чырвоная (3,71). Вырошчваюць бульбу ў Азербайджане.

У гіпермаркеце ProStore на праспекце Дзяржынскага, 126 таксама ёсць бульба розных ураджаяў. Што тычыцца гэтага года, то тут прадстаўленая бульба ранняя імпартная (Азербайджан) па 4,42 рубля за кілаграм. 

У супермаркеце Green па адрасе вуліца Кірылы Тураўскага, 24 журналіст знайшоў таксама бульбу леташняга ўраджаю і цяперашняга. Бульба ранняя свежая з Казахстана каштуе 4,27 рубля за кілаграм.

У краме «Суседзі» на праспекце Пераможцаў, 49 ёсць маладая бульба за 3,45 рубля з Азербайджана.

У супермаркеце «Алмі» па адрасе праспект Дзяржынскага, 91 маладой бульбы не было. Беларуская мытая каштуе 3,29 рубля. 

У супермаркеце «Санта» на праспекце Дзяржынскага, 106 маладой бульбы таксама не было. Была толькі леташняя за 2,14 рубля і за 1,46.

Падвядзем вынікі. У крамах бульба ёсць рознага года ўраджаю, але не ва ўсіх. Таксама журналіст не змог знайсці маладую менавіта беларускую бульбу.

А што на Камароўцы?

На галоўным рынку беларускай сталіцы ў продажы з'явілася першая маладая беларуская бульба ўраджаю гэтага года. Яе прадаюць ужо актыўна. Цана, праўда, кусаецца: за кілаграм папросяць 10 рублёў.

«Беларускую бульбу высадзілі ў красавіку»

Міністр сельскай гаспадаркі і харчавання Юрый Горлаў раней расказаў, што на прылаўкі крам неўзабаве паступіць беларуская маладая бульба.

Ён адзначыў, што летась беларускія аграрыі вырасцілі 780 тысяч тон бульбы. Патрэба нашай краіны — 78-90 тысяч тон у год, астатняе ідзе на экспарт. 

Сёлета, па словах Юрыя Горлава, бульбу высадзілі на плошчы 21 тысяча гектараў. З улікам фермераў плануецца атрымаць каля 1 мільёна тон ураджаю. 

Кіраўнік Мінсельгасхарча адзначыў, што раннюю беларускую бульбу высадзілі ў красавіку, цяпер аграрыі гатовыя прыступаць да яе ўборкі. 

«Праз замаразкі вегетацыя вялася не такімі тэмпамі, як фізіялагічна павінна было быць. Таму мы зараз чакаем і прыступаем да ўборкі нашай беларускай бульбы, якая задаволіць патрэбы ўсяго нашага ўнутранага рынку». 

Як адзначыў 3 чэрвеня кіраўнік Мінсельгасхарча, бульба новага ўраджаю павінна з'явіцца на прылаўках ужо ў бліжэйшыя тыдні.

Каментары5

  • І
    11.06.2025
    Багатыя беларусы! Бульбу за 4 рублі есці! Жах!
  • Боже
    11.06.2025
    Я не знаю, где вы берете информацию и как ее проверяете, но молодая бульба в Минских магазинах есть как минимум с февраля (если не с января - не помню точно). Египетская сначала, потом азербайджан и т.д. Вообще нет никаких проблем.
  • Не разумею
    12.06.2025
    Імпартную бульбу па 3-4 руб/кг я разумею. Леташнюю мытую бульбу РБ (дробная і уся ў дзірках) па 3-4 руб/кг - не разумею. Гарэлкай яе мылі, ці што? Я чуў, што ёсць нейкі МАРТ. Што ён скажа на гэта?

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць