У Францыі могуць заблакаваць Bluesky і Reddit, а Макрон увогуле за забарону сацсетак для дзяцей
У Францыі ўлады разглядаюць магчымасць абмежавання доступу да такіх платформаў, як Bluesky, Mastodon і Reddit з-за наяўнасці на іх парнаграфічнага кантэнту. Мэта — абараніць ад падобнага змесціва дзяцей, піша Politico.
У офісе міністаркі лічбавых тэхналогій Францыі Клары Шапаз паведамілі, што гэтыя сайты могуць прызнаць парнаграфічнымі платформамі, што абавязвае іх уводзіць строгія правілы праверкі ўзросту ў адпаведнасці з новымі французскімі законамі. Калі платформы не выканаюць патрабаванні, ім пагражаюць штрафы, выдаленне з пошукавых сістэм або поўнае блакаванне, як гэта ўжо было раней у дачыненні да сацсеткі Х (былы Twitter).
Прэзідэнт Францыі Эмануэль Макрон, у сваю чаргу, прапанаваў наогул забараніць выкарыстанне сацсетак для дзяцей да 15 гадоў. Ён нават гатовы ўвесці такую забарону ў межах адной толькі Францыі, калі Еўрасаюз не падтрымае ініцыятыву.
Пакуль што сацсеткі (у тым ліку X, Reddit і Bluesky) ніяк не пракаментавалі намеры французскіх уладаў. Хоць правілы Х забараняюць доступ да парнаграфіі для асоб, маладзейшых за 18 гадоў, карыстальнікі могуць пазначыць любы ўзрост, што дазваляе лёгка абыходзіць сістэму.
Францыя ўжо некаторы час узмацняе меры па абароне дзяцей у інтэрнэце — напрыклад, патрабуе ад порнасайтаў абавязковай праверкі ўзросту.
Новыя правілы павінны былі ўступіць у сілу 7 чэрвеня, але частка платформаў выступіла супраць. За ігнараванне патрабаванняў сайты могуць быць аштрафаваныя ці заблакаваныя.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары
Они, уже сразу после рождения, знают, что такое половая близость, им не надо отдельно про продолжение рода рассказывать или защищать от этой информации.
Получается, среднестатический лось гораздо умнее целой Франции или любой другой такой "умной" страны.