За апошнія гады ў Беларусі значна развіваюцца паляўнічыя гаспадаркі. Колькасць жывёл, на якіх дазволена паляваць, павялічваецца, але яшчэ хутчэй расце і колькасць здабытых асобін, піша выданне «Белорусы и рынок».
Так, з 2020 па 2024 год колькасць лася вырасла толькі на 10%, затое здабыча павялічылася на 40% — летась паляўнічыя забілі амаль 10 тысяч асобін. Папуляцыя высакароднага аленя павялічылася на 63%, а здабыча — у 2,5 раза, да 8,3 тысячы.
Нягледзячы на тое, што колькасць баброў і вавёрак не змянілася, на іх палююць больш: за год здабыта 12 тысяч баброў і 1,9 тысячы вавёрак.
Асаблівая ўвага — зубрам. Калі пяць гадоў таму для палявання налічвалася толькі 33 зубры, то цяпер — 133. У 2024 годзе было здабыта 67 зуброў — у тры разы больш, чым у 2020-м. Гэта звязана з тым, што зубру панізілі ахоўны статус і дазволілі паляванне на некаторых жывёл з Чырвонай кнігі.
Цікава, што адзіная жывёла, здабыча якой скарацілася, — гэта дзік. За яго адстрэл дзяржава нават даплачвае ў межах барацьбы з афрыканскай чумой свіней. Але ў 2024 годзе забілі толькі 10,8 тысячы дзікоў — на 30% менш, чым пяць гадоў таму. З’явіліся новыя правілы па знішчэнні дзіка, а выплаты за адстрэл паступаюць не заўсёды, таму цікавасць да гэтага палявання зменшылася.
У 2024 годзе даход паляўнічых гаспадарак склаў 41 мільён рублёў, што на 11,7% больш, чым у мінулым годзе. Большасць грошай (27 мільёнаў рублёў) — ад продажу пуцёвак і дазволаў на здабычу. Іншаземцы прынеслі амаль 30% даходу — 11,6 мільёна рублёў.
Больш за ўсё зарабляе Мінская вобласць (40% ад агульнага даходу па краіне), а найменш — Гродзенская. Усяго паляўнічыя ўгоддзі займаюць 17,1 мільёна гектараў.
У гарах Кыргызстана з дрона адшукалі целы зніклых беларускіх альпіністаў8
Каментары