У фэйсбуку з'явілася інфармацыя пра тое, што ў рыбгасе «Чырвоная Слабада» ў Салігорскім раёне ў мінулыя выходныя «ў групе з чаплямі адзначана фламінга». Праўда, фатаздымку птушкі не было.
Бердвочары накіраваліся ва ўказанае месца, але пакуль выявіць і сфатаграфаваць птушку не змаглі.
Наколькі рэальны візіт фламінга ў Беларусь і што магло прывесці птушак сюды, smartpress.by даведалася ў арнітолага Аляксандра Вінчэўскага.
— Розныя птушкі пастаянна залятаюць да нас, у тым ліку і фламінга, у гэтым няма нічога дзіўнага, — кажа эксперт. — Іншая справа, што ў Беларусі іх рэдка рэгіструюць. Адзіны раз быў у красавіку 1961 года ў Нясвіжскім раёне. Затое іх рэгіструюць у суседніх краінах, у тым ліку на поўнач ад нашых шырот — пад Масквой, у краінах Балтыі. Прылятаюць гэтыя птушкі і ў Германію, а ў апошнія гады пачалі гнездавацца на поўдні Украіны ў Адэскай вобласці.
Па словах арнітолага, калі ружовы фламінга і гасцяваў у «Чырвонай Слабадзе», хутчэй за ўсё, гэта маладая птушка, якая заляцела сюды на дзень-два. Улетку клімат Беларусі ім цалкам падыходзіць, а непрацяглы візіт не дае магчымасці адчуць адсутнасць марской вады, у якой звычайна гэтыя птушкі здабываюць сабе ежу — дробных ракападобных, малюскаў, лічынак насякомых.
-
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
-
Да гадавіны вялікага народнага ўздыму 2020‑га ў Вільні пройдуць марш з бубначамі, прабег і канцэрт
-
З М'янмы на радзіму вярнулася беларуска, якую там прымусова ўтрымлівалі
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі12
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары