Паліна з Салігорска набрала 400 балаў на экзаменах. Вось куды яна будзе паступаць
Выпускніца гімназіі № 1 Салігорска Паліна Рамашка набрала максімум — 400 балаў на цэнтралізаваным тэсціраванні. Яна атрымала па 100 балаў па трох прадметах: матэматыцы, фізіцы і рускай мове, піша Sb.by.
Паліна расказвае, што матэматыка і фізіка заўсёды былі ёй цікавыя. Яна ўдзельнічала ў алімпіядах па матэматыцы яшчэ ў пачатковай школе, а з 8-га класа — па фізіцы. Заўсёды рыхтавалася паглыблена, а ў 11-м класе пачала мэтанакіравана рыхтавацца да выпускных і ўступных экзаменаў.
Рускай мовай яна займалася з рэпетытарам, а вялікую падтрымку ў фізіцы аказала настаўніца Яўгенія Валянцінаўна Невар, якая дапамагала разабрацца ў цяжкіх тэмах.
Паліна шмат рашала тэстаў мінулых гадоў і ўдзельнічала ў рэпетыцыйных тэсціраваннях, дзе заўсёды набірала больш за 90 балаў. Па рускай мове ўжо на трэцім этапе рэпетыцыі атрымала 100 балаў.
Напярэдадні экзаменаў па парадзе настаўнікаў дзяўчына адклала кнігі, каб не перагрузіцца і захаваць ясную галаву. Хаця і хвалявалася, экзамены прайшлі спакойна.
Цяпер Паліна плануе падаваць дакументы на факультэт прыкладной матэматыкі і інфарматыкі БДУ.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары