Трамп заявіў, што Пуцін не пачаў бы вайну, каб Расію не выключылі з «Вялікай васьмёркі»
Прэзідэнт ЗША Дональд Трамп падчас саміту G7 у Канадзе заявіў, што прэзідэнт Расіі Уладзімір Пуцін не пачаў бы вайну ва Украіне, калі б Расію не выключылі з групы G8 у 2014 годзе пасля анексіі Крыма.
Паводле слоў Трампа, рашэнне тагачаснага амерыканскага прэзідэнта Барака Абамы і канадскага прэм’ера Джасціна Трудо выключыць Расію было памылкай. Ён лічыць, што калі б Расія засталася ў «Вялікай васьмёрцы», то вайны б не было.
«Раней гэта была група васьмі. Барак Абама і чалавек па імені Трудо не хацелі, каб Расія была ў G8. І я б сказаў, што гэта была памылка. Таму што інакш у нас цяпер не было б вайны, калі б Расія была ў G8», — заявіў прэзідэнт ЗША.
Трамп таксама сказаў, што Пуцін фактычна не размаўляе з тымі, хто выключыў Расію з G8 і, па словах амерыканскага прэзідэнта, ён разумее такую пазіцыю расійскага лідара. Пры гэтым Трамп падкрэсліў, што сам ён не лічыў у той час Пуціна ворагам.
Разам з тым Трамп прызнаў, што цяпер вяртанне Расіі ў G8 наўрад ці магчымае, бо прайшло шмат часу. Але, на яго думку, далучэнне да «сямёркі» Кітая магло б быць добрай ідэяй.
Расію выключылі з G8 у 2014 годзе пасля анексіі Крыма і пачатку справакаванага Крамлём канфлікту на ўсходзе Украіны. З таго часу група дзейнічае як G7 — без Расіі. Раней Трамп ужо выказваўся за вяртанне Расіі ў склад гэтага аб’яднання.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву4
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары