Амерыканскую настаўніцу абвінавачваюць у 50 сэксуальных кантактах з вучнем. З іх 45 — непасрэдна ў школе
За сэксуальныя адносіны з 14-гадовым падлеткам 30-гадовай настаўніцы адной з школ прыгарада Чыкага пагражае 60 гадоў зняволення.
У цэнтры гучнага скандалу апынулася 30-гадовая настаўніца спецыяльнай адукацыі ў сярэдняй школе ў прыгарадзе Чыкага Хрысціна Фармэла (Christina Formella).
Як піша The New York Post, летам мінулага года Хрысціна вышла замуж і здавалася, што яе жыццё поўнае шчасця: сям'я, кар’ера настаўніцы, трэнерская праца з падлеткамі па футболе. Але за ўсім гэтым хавалася змрочная таямніца.
Паводле следства, неўзабаве пасля пачатку навучальнага года ў верасні 2023-га, Хрысціна пачала спакушаць аднаго з удзельнікаў школьнай спартыўнай каманды па футболе, якую яна трэніравала. На той час хлопчыку было 14 гадоў.
Сцвярджаецца, што за перыяд адносін яна ўступала з падлеткам у сэксуальныя кантакты каля 50 разоў, у тым ліку 45 разоў у школе, дзе яна працавала, і пяць разоў у сябе дома. Усе гэтыя падзеі працягваліся да верасня 2024 года, пакуль хлопец сам не спыніў адносіны, заявіўшы, што яны няправільныя.
Хрысціна, як сцвярджаецца, не толькі пераступала маральныя і законныя межы, але і маніпулявала падлеткам. Яна пісала яму паведамленні, нават знаходзячыся ў Італіі на адпачынку з мужам Майклам. Яе паводзіны былі настолькі дзёрзкімі, што аднойчы іншы настаўнік ледзь не заспеў яе з хлопцам у класе. Паводле пракурораў, муж не ведаў пра здраду жонкі.
17 чэрвеня Хрысціна прадстала перад судом. Яна абвінавачваецца па 55 пунктах, сярод якіх цяжкі сэксуальны гвалт, непрыстойныя дамаганні да няпаўналетняга і распусныя дзеянні. Калі яе асудзяць, яна можа правесці за кратамі да 60 гадоў.
Як паведамляецца, спачатку ўлады лічылі, што меркаванае злачынства было больш абмежаваным, але потым з'явілася дадатковая інфармацыя. Былі знойдзены «сотні, калі не тысячы тэкставых паведамленняў», якія пацвердзілі аповед падлетка, раскрыўшы жахлівыя дэталі.
Суддзя дазволіла жанчыне застацца на волі з дадатковымі абмежаваннямі, уключаючы праграмнае забеспячэнне для кантролю яе гаджэтаў і электронны бранзалет, каб не дапусціць набліжэння да школьніка.
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары
— Завидовать!