Flydubai вяртае рэйсы з Дубая ў Мінск, аднак з дазапраўкай у Самары
Рэйсы паміж Мінскам і Дубаем авіякампаніі Flydubai вярнуліся ў расклад сталічнага аэрапорта. Пра гэта сведчаць даныя анлайн-табло аэравакзала. некаторыя рэйсы пазначаны з прыпынкам у расійскай Самары.
Авіякампанія папярэдзіла турагентаў, што з 20 па 22 чэрвеня рэйс Дубай — Мінск будзе з дазапраўкай у Самары без высадкі пасажыраў. Палёт з Мінска ў Дубай прадугледжаны без дазапраўкі.
З Дубая самалёт будзе стартаваць у 18:15 па мясцовым часе, або ў 17:15 па мінскім. У беларускую сталіцу ён прыляціць у 3: 30. У выніку дарога зойме 10 гадзін.
Зваротны рэйс з Мінска будзе ў 4:30, прылёт у Дубай — у 13:00 па мясцовым часе, або ў 12: 00 па мінскім. Гэта 7,5 гадзіны ў дарозе.
На мінулым тыдні Flydubai прыпыніла палёты ў некалькі краін, уключаючы Беларусь, з-за Ірана-ізраільскага канфлікту.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары