Трамп: Я арганізаваў мірную дамову паміж Конга і Руандай. Але Нобеля мне за гэта не дадуць
Прэзідэнт ЗША назваў сваёй асабістай заслугай дасягненне міру паміж Дэмакратычнай Рэспублікай Конга і Руандай, прадстаўнікі якіх, як чакаецца, падпішуць мірную дамову ў Вашынгтоне на наступным тыдні, піша Бі-бі-сі.
Аб дасягненні дамоўленасці краіны, якія ваююць з 2022 года, абвясцілі ў сераду.
«Гэта вялікі дзень для Афрыкі і, шчыра кажучы, вялікі дзень для ўсяго свету!» — напісаў Трамп у сваёй сацсетцы Truth Social.
«Але я не атрымаю Нобелеўскай прэміі міру за гэта», — панаракаў Трамп, дадаўшы, што яго намаганні міратворцы праігнараваныя таксама за «спыненне вайны паміж Індыяй і Пакістанам, паміж Сербіяй і Косава», «за захаванне міру паміж Егіптам і Эфіопіяй» і г. д.
«Што б я ні рабіў, Нобелеўскую прэмію мне не дадуць, у тым ліку за Расію/Украіну і Ізраіль/Іран», — рэзюмаваў ён.
Трамп рэгулярна заяўляе пра свае поспехі як міратворцы, аднак на практыцы яго роля наўрад ці выглядае значнай, адзначае AFP, у тым ліку ў канфліктах, якія ён згадаў у сваім пасце.
Ён таксама абяцаў скончыць вайну Расіі супраць Украіны спачатку за 24 гадзіны, затым за 100 дзён, аднак праз пяць месяцаў прэзідэнцтва так і не змог дамагчыся гэтага. Яго папярэднік на пасадзе прэзідэнта ЗША Барак Абама атрымаў Нобелеўскую прэмію міру ў 2009 годзе «за экстраардынарныя намаганні ва ўмацаванні міжнароднай дыпламатыі і супрацоўніцтва паміж людзьмі».
-
Прыхільнікі захавання Альберты ў складзе Канады разгромна лідзіруюць на рэферэндуме
-
Прэмія імя Сахарава: лідар апазіцыі Танзаніі, Міжнародны крымінальны суд і асуджаныя на смерць іранскія сёстры ў ліку фіналістаў
-
«Шасціпалосная аўтастрада» да прэзідэнцтва. Беспарадкі ў Францыі ўзмацняюць шанцы Лё Пэн на прэзідэнцтва
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары