На волі экс-дацэнтка МДЛУ Наталля Дуліна — найлепшая італьяністка краіны
Дуліна сярод тых 14 палітвязняў, якіх вызвалілі 21 чэрвеня ў выніку візіту ў Мінск спецпрадстаўніка прэзідэнта ЗША Дональда Трампа Кіта Келага.
Наталля Дуліна — былая дацэнтка кафедры італьянскай мовы МДЛУ. Яна лічыцца найлепшай італьяністкай краіны. Яе звольнілі з МДЛУ за падтрымку адлічаных студэнтаў і рэпрэсаваных калег.
Жанчына была арыштаваная 3 кастрычніка 2022 года. Мінімум шэсць сілавікоў яе затрымлівалі. Да гэтага цягам года Наталлю затрымлівалі чатыры разы і судзілі паводле палітычна матываваных адміністрацыйных артыкулаў.
Дацэнтку абвінавацілі ў «садзейнічанні экстрэмісцкай дзейнасці» і «грубым парушэнні грамадскага парадку». У выніку ёй вынеслі прысуд у 3,5 года зняволення.
Тэрмін Дуліна адбывала ў жаночай калоніі ў Гомелі.
Пасля вызвалення яе прывезлі разам з іншымі палітвязнямі ў Вільню.
Ціханоўскі расказаў, што трэба было рабіць у жніўні 2020-га62
Каментары