Бакінскі суд па цяжкіх злачынствах прызнаў дактаранта кафедры паліталогіі Карлава ўніверсітэта (Прага) Бахруза Самедава вінаватым у дзяржаўнай здрадзе і прысудзіў яго да 15 гадоў пазбаўлення волі — фактычна за перапіску з жыхарамі Арменіі і публічную антываенную пазіцыю, піша Бі-бі-сі.
Паводле версіі следства, малады навуковец пісаў і перакладаў артыкулы з крытыкай азербайджанскіх уладаў па заказе армянскіх спецслужбаў.
Аднак сам асуджаны гэта паслядоўна і катэгарычна адмаўляе — а яго абарона не стамляецца нагадваць, што абвінавачанне заснавана выключна на канфіскаванай у Бахруза перапісцы з трыма армянскімі жанчынамі.
«Але ў гэтай перапісцы няма нічога, што ўтварае склад злачынства «дзяржаўная здрада», — заяўляла ягоная адвакат Зібейда Садыгава. — Там няма нічога такога, каб Самедаву далі заданне па нейкім дзяржаўна важным пытанні, і каб Бахруз выканаў гэта даручэнне».
Пры гэтым, па словах абаронцаў асуджанага палітолага, на радзіме Самедаў вядомы сваёй рэзкай крытыкай азербайджанскіх уладаў, якую ён адкрыта выказваў у замежных выданнях.
Высветлілася, што справа супраць палітолага заведзеная Службай дзяржаўнай бяспекі Азербайджана (СДБ) па артыкуле 274 (здрада радзіме) — за нібыта меўшае месца супрацоўніцтва азербайджанскага палітолага з армянскімі спецслужбамі.
У красавіку, ужо больш за паўгода знаходзячыся ў СІЗА, Самедаў звярнуўся да прэм’ер-міністра Арменіі Нікола Пашыняна з адкрытым лістом, у якім прасіў афіцыйна пацвердзіць, што на самой справе ніякага супрацоўніцтва з армянскімі спецслужбамі не было.
У Крымінальным кодэксе Азербайджана за дзяржаўную здраду прадугледжана пакаранне ў выглядзе пазбаўлення волі на тэрмін ад 12 да 20 гадоў, а ў некаторых выпадках — і пажыццёвае зняволенне. СДБ прасіла суддзя адправіць Самедава за краты на 16 гадоў.
Як паведаміла журналістам ягоная бабуля Зібейда Асманава, 19 чэрвеня, даведаўшыся пра тое, якога тэрміну патрабуе для яго пракуратура, Бахруз Самедаў абвясціў у ізалятары сухую галадоўку.
Калі ніякай рэакцыі на гэта не паследавала, яшчэ праз два дні, у мінулую суботу, Самедаў здзейсніў у СІЗА спробу самагубства.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары