«Калі муж прэзідэнт, то жонка — гэта першая лэдзі, правільна? А калі жонка прэзідэнт, то муж — гэта першы джэнтльмен».
Падчас інтэрв'ю літоўскаму каналу Delfi вядучы пацікавіўся ў Сяргея Ціханоўскага, як бы ён папрасіў сябе называць?
Сяргей у адказ заўважыў, што ў Рэмарка прачытаў думку аб тым, што імкненне да спрашчэння ўласціва дыктатарам.
«Калі дыктатары прыходзяць да ўлады, яны ўсё спрашчаюць. Вось дыктатар называе проста, напрыклад, адным словам «блогер». Ці для іх мы ўсе «злачынцы».
Але насамрэч, заўважае Ціханоўскі, чалавека нельга ахарактарызаваць адным словам:
«Чалавек, і сем'янін, і бацька дзяцей. Я і прадпрымальнік, і прадзюсар, і арганізатар добры, і шоўмэн, і букінгам займаўся, канцэртнай дзейнасцю, і рэкламным агенцтвам кіраваў, сваім прадакшнам. То-бок хіба можна чалавека адным нейкім словам ахарактарызаваць? Вядома ж, не. (…) Нельга сказаць, ён проста там блогер ці ён проста прадпрымальнік. Не. Таму адным словам вельмі цяжка».
Нягледзячы на складанасці, Сяргей усё ж такі знайшоў для сябе кароткае азначэнне:
«Я вам так скажу, калі муж прэзідэнт, то жонка — гэта першая лэдзі, правільна? А калі жонка прэзідэнт, то муж — гэта першы джэнтльмен. І вось я — першы джэнтльмен Беларусі. Так, няхай не прызнаны, але першы джэнтльмен. І першым ужо больш ніхто не будзе. Вось я — першы джэнтльмен, мяне гэта задавальняе».
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы40
Каментары
Гэтую праўду Наша Ніва сваёй цэнзурай імкнулася высмаліць са сваіх старонак цэлы тыдзень, але людзі ведаюць і ад іх нічога не схаваеш.
Са Святланай мы ўжо шмат фотак бачылі з ААН, G7, НАТО. Вельмі чакаем зараз фоткі з табой і першымі лэдзі і джэнтльмэнамі усіх гэтых структур.
Жыве Беларусь!