Узброеныя сілы Украіны спынілі прасоўванне расійскіх войскаў у Сумскай вобласці, паведаміў галоўнакамандуючы Узброенымі сіламі Украіны Аляксандр Сырскі.
«Наступ расійскіх войскаў у прыгранічных раёнах Сумскай вобласці спынены, лінія бою стабілізавалася», — адзначыў ён па выніках сваёй паездкі на фронт.
Цяперашняя хваля спроб «летняга наступлення» расіян захлынаецца.
Аляксандр Сырскі зазначыў, што на вызначаных участках украінскія падраздзяленні паспяхова выкарыстоўваюць тактыку актыўнай абароны і вызваляюць украінскую зямлю ў памежжы Сумшчыны, піша «Украінская праўда».
Сырскі заявіў, што на Паўночнаслабажанскім і Курскім напрамках Узброеныя сілы Украіны зноўку звязалі каля 50 тысяч расійскіх вайскоўцаў, у тым ліку элітныя брыгады іх ПДВ і марской пяхоты.
«Нашы наступальныя дзеянні ў Глушкаўскім раёне Курскай вобласці прымусілі праціўніка адправіць частку войскаў на абарону сваёй тэрыторыі. Гэта значна знізіла наступальныя магчымасці асноўнага групавання войскаў праціўніка на Сумскім напрамку», — сказаў галоўнакамандуючы.
Таксама Сырскі паведаміў, што на Паўночнаслабажанскім напрамку створана спецыяльная група для абароны гарадоў і грамад Сумшчыны.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары