Беларускія навукоўцы з Інстытута эксперыментальнай батанікі імя Купрэвіча, працуючы над абнаўленнем Чырвонай кнігі, уключылі ў спіс ахоўных відаў некалькі ядомых грыбоў. Гэтыя грыбы, што растуць у некранутых лясах, з’яўляюцца важнымі індыкатарамі здароўя лясных экасістэм, піша Blizko.by.
У Чырвоную кнігу Беларусі трапілі:
Каштанавы грыб (Gyroporus): Гэты грыб з характэрнай карычневай ножкай з поласцю цаніўся за свае смакавыя якасці, асабліва ў сушаным выглядзе. Аднак з-за значнага скарачэння арэалу яго збор цяпер забаронены.
Вальварыэла шаўкавістая. Гэты грыб з пяшчотнай, аксаміцістай шляпкай, быццам з’яўляецца з драўнянага «яйка», таксама трапіў пад ахову. Навукоўцы адзначаюць імклівае знікненне гэтага віду.
Чорная лісічка (вароначнік рожкападобны): Гэты грыб, па смаку не саступае звычайнай лісічцы, цяпер таксама знаходзіцца пад аховай. Яго цёмная, варанкападобная шляпка ўсё радзей сустракаецца ў лясах.
Ахова гэтых грыбоў мае вялікае значэнне, бо яны з’яўляюцца індыкатарамі стараўзроставых лясоў і экалагічнай раўнавагі. Іх захаванне — гэта ўнёсак у падтрымку ўнікальных лясных экасістэм.
За збор грыбоў, занесеных у Чырвоную кнігу Беларусі, прадугледжаны штрафы. Для фізічных асоб штраф можа складаць ад 20 да 30 базавых велічынь (ад 840 да 1260 рублёў на сённяшні дзень).
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі14
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары