Дуліна супраць зняцця санкцый: Гэта як дамаўляцца з людажэрам, каб ён больш не еў людзей
Вызваленая ў мінулую суботу падчас візіту ў Мінск спецпасланніка прэзідэнта ЗША Кіта Келага былая палітзняволеная Наталля Дуліна дала інтэрв'ю расійскай «Новой газете». У ім яна выказалася на тэму, ці варта амерыканцам заключаць здзелку з рэжымам аб адмене накладзеных на рэжым Лукашэнкі санкцый у абмен на вызваленне палітвязняў.
— Вы казалі, што амерыканцы паабяцалі: апошняе памілаванне — гэта «толькі пачатак, і такім чынам будуць спрабаваць выцягнуць усіх». У New York Times пісалі пра «вялікую ўгоду» — масавае вызваленне палітвязняў у абмен на зняцце часткі амерыканскіх санкцый. Гэта было б правільна?
— Хачу пачаць з таго, што я не палітычны аналітык. Як звычайны чалавек, я лічу: здымаць санкцыі ў абмен на жыццё людзей, якія цяпер утрымліваюцца [у калоніях], — памылкова. Гэта ўсё роўна што дамаўляцца з людажэрам, што ён больш не будзе есці людзей. Дамаўляцца, што ён выпусціць тых людзей, якіх ён ужо ў лядоўню паклаў, каб іх з'есці, і разлічваць, што іншых людзей ён больш есці не будзе.
Выбачайце за пафас, але пакуль мы з вамі размаўляем, працэс працягваецца: адзін чалавек выходзіць адтуль, а пяць — заходзяць. Магчыма, цяпер больш людзей атрымліваюць «хімію» — абмежаванне волі, а не калонію, але ўсё працягваецца.
Таму я як Наталля Дуліна — супраць зняцця санкцый, я-за тое, каб гэтыя людзі выйшлі, але я не веру, што, выпусціўшы ўсіх гэтых людзей і атрымаўшы зняцце санкцый, Лукашэнка не зоймецца тым жа самым. Мы гэта назіралі ўжо раней.
— А што тады рабіць? Лукашэнка, мабыць, цяпер вызваліў вас авансам, каб цяпер ужо дамовіцца пра зняцце санкцый.
— Гэта першы крок, і цяпер ён будзе прасіць каву ў ложак, потым гульнявую прыстаўку, потым яшчэ нешта. Вельмі неспакойна мне ад гэтага. Як абывацелька, я лічу, што пакуль за спінай або плячом да пляча ў Лукашэнкі стаіць Пуцін, то яму даверу не можа быць. Лукашэнка не настолькі самастойны, і Пуцін будзе яго пакрываць.
Я разумею, што патрэбен гандаль, інакш мы наогул нічога не атрымаем. Ну, хай гэтым займаюцца палітыкі і спецыяльна навучаныя людзі, а я як хітры беларускі селянін з фальклору зараз кажу: «Э-э-э, не, я чагосьці не веру, нельга яму давяраць, ён надурыць, ён падмане». Я не ведаю, як трэба рабіць, але я яму не веру — і ўсё.
Былая выкладчыца МДЛУ Наталля Дуліна веганка. Як яна харчавалася ў калоніі?
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
Выкладчыца Наталля Дуліна: Я катэгарычна адмовілася пісаць прашэнне аб памілаванні. І я б была рада, калі б вывезлі кагосьці іншага
Пазняк: Выпускаюць толькі прарасійскіх людзей, а не беларускіх патрыётаў
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі3
Каментары
у чым пытанне ? вяртайся сядзі далей, што жахліва тут, хто усе нашы расейскамоўныя & постмадэрністы гуляюць незалежнасцю РБ як фішкай ў казіно. Цёця я цябе не належыць