Золата, «Гелендваген» і $27 мільёнаў на руцэ — з'явіліся некалькі кадраў з вяселля Адама Кадырава
У інтэрнэце з’явіліся здымкі, як мяркуецца, з вяселля Адама Кадырава — 17-гадовага сына кіраўніка Чачні Рамзана Кадырава і яго імавернага пераемніка, піша ВЧК-ОГПУ.
На відэа 17-гадовы Адам за рулём Mercedes-Benz G-Class (у РФ правы кіроўцы выдаюцца з 18 гадоў) страляе ў паветра з залатога пісталета, а таксама пазіруе з ім разам з сябрамі перад люстэркам.
Асаблівую ўвагу прыцягнула раскоша падзей.
Па звестках канала ВЧК-ОГПУ, на руцэ жаніха быў гадзіннік Jacob & Co. Billionaire ASHOKA з 320 брыльянтамі, коштам у $27,7 мільёна.
Учора стала вядома, што 17-гадовы начальнік аддзела бяспекі кіраўніка Чачні і сакратар Рады бяспекі рэспублікі Адам Кадыраў сыграў вяселле. Пра жаніцьбу брата распавяла Айшат Кадырава.
Першапачаткова яна не раскрывала асобы нявесты. Аднак пазней апублікавала пост, у якім распавяла, што сям’я кіраўніка Чачні даўно знаёмая з нявестай. Яна нарадзілася ў тым жа населеным пункце, што і Кадыравы. Нявесту завуць Медні.
Меркавана, Адам Кадыраў ажаніўся з дачкой чачэнскага сенатара Сулеймана Герэмеева. Герэмееў з'яўляецца блізкім саюзнікам Кадырава і даводзіцца стрыечным братам дэпутату Дзярждумы РФ Адаму Дзелімханаву.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў9
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары