Міністэрства культуры Азербайджана паведаміла пра адмену ўсіх расійскіх культурных мерапрыемстваў, запланаваных на тэрыторыі краіны. У паведамленні гаворыцца, што такое рашэнне прынята ў адказ на акты гвалту з боку расійскіх праваахоўных органаў у дачыненні да грамадзян Азербайджана.
Азербайджан скасоўвае расійскія культурныя мерапрыемствы праз затрыманні ў Свярдлоўскай вобласці. Мерапрыемствы, арганізаваныя расійскімі дзяржаўнымі і прыватнымі структурамі — у тым ліку канцэрты, фестывалі, тэатральныя пастаноўкі і выстаўкі — адменены. Грамадзянам, якія ўжо набылі квіткі, прапануецца звяртацца па вяртанне грошай.
Падставай для рашэння сталі масавыя затрыманні выхадцаў з Азербайджана ў расійскім горадзе Екацярынбург.
Паводле азербайджанскага МЗС, уранку 27 чэрвеня больш за 50 чалавек былі затрыманыя сілавікамі ў межах расследавання забойства, здзейсненага ў 2001 годзе.
Як паведамляе URA.RU, справа тычыцца гібелі гандляра, якую не ўдалося раскрыць па гарачых слядах. Цяпер справа адноўлена, і расследаванне вядзе спецыяльны аддзел Следчага камітэта па раскрыцці злачынстваў мінулых гадоў.
Азербайджанскі бок заклікаў Расію неадкладна правесці расследаванне гэтых затрыманняў і прыцягнуць вінаватых да адказнасці.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары
Багдан Хмяльніцкі, тыпу таго, падпісаў некалі "глыбокую" інтэграцыю з
ардой ... Украінскія гісторыкі кажуць, што Хмяльніцкі нічога не
падпісваў, і ўсё гэта хлусня! І папер ніякіх не было і няма! А маскоўцы
кажуцуь, што Хмяльніцкі -- падпісваў, але паперы не захаваліся бо моль
іх паела. А ў выніку што? Украіна-Русь на доўгія стагоддзі патрапіла пад
маскоўскі бот. Маскоўская арда скрала назву Украіны -- Русь, усю яе
гісторыю, міталёгію, культуру і выдае яе за сваю. Узяць бы таго князя
Уладзіміра, які, нібыта, хрысціў маскавітаў, яшчэ і помнікі яму нахабна
ставяць. А далей і згадваць не хочацца.... Бальшавіцкі джыхад , акупацыя БНР
, вайна з Польшай , Эстоніей , Фінляндыей, Галадамор, рэпрэсіі, Курапаты, генацыд, Новая эмпэрыя , алеграхі, карупцыя , эмперыялізм ...І нaрэшце захоп 1/3 Азербалджана, Молдовы, Грузіі , анексія Крыма, вайна на Дамбасe, вайна, вайна ....