У Батанічным садзе двое чалавек атрымалі траўмы пры падзенні галіны дрэва
Непагадзь нарабіла бяды ў нядзелю.
Двое чалавек атрымалі траўмы ад падзення галіны на тэрыторыі Цэнтральнага батанічнага саду 29 чэрвеня, паведамляе МНС.
Таксама зафіксаваны выпадкі падзення дрэў у чатырох раёнах Мінскай вобласці: па адным — у Маладзечанскім, Капыльскім і Пухавіцкім, а таксама тры — у Мінскім. У Маладзечне з-за падзення дрэва пацярпела жанчына.
Міністэрства па надзвычайных сітуацыях паказала наступствы моцнага ветру, які бушаваў у Беларусі ў нядзелю.
У Гродзенскай вобласці ратавальнікі прыбіралі дрэвы Ваўкавыскім, Воранаўскім і Гродзенскім раёнах, а таксама ў Гродне.
У Ваўкавыскім раёне адно з дрэў упала на гараж.
Ратавальнікі Віцебскай вобласці выязджалі на ўборку дрэў 16 разоў.
Сёння ў Беларусі таксама захоўваецца аранжавы ўзровень небяспекі, чакаецца моцны вецер з парывамі да 15—20 м/с.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары