З 2026 года авіякампаніям, якія выконваюць рэйсы ўнутры Еўрасаюза і паміж ЕС і Вялікабрытаніяй, будзе забаронена спаганяць дадатковую плату за ручную паклажу. Такое рашэнне прыняў Камітэт Еўрапарламента па транспарце і турызме.
Як адзначыў намеснік кіраўніка камітэта Матэа Рычы, ручная кладзь — гэта неабходны мінімум, а не раскоша.
Паводле новых правілаў, пасажыры змогуць бясплатна браць на борт:
- адну асабістую сумку (заплечнік, жаночую сумку або сумку для ноўтбука) памерам да 40×30×15 см;
- адзін прадмет ручной паклажы — напрыклад, чамадан ці сумку вагой да 7 кілаграмаў і габарытамі не больш за 55×40×20 см або 100 см у суме трох вымярэнняў.
Акрамя стандартызацыі правіл для ручной паклажы, новы рэгламент уключае:
- абавязковую рассадку дзяцей да 12 гадоў побач з дарослымі, што іх суправаджаюць;
- бясплатнае суправаджэнне пасажыраў з інваліднасцю;
- спрошчаную працэдуру падачы скаргаў пры затрымцы або скасаванні рэйса.
Авіякампаніі папярэджваюць, што квіткі цяпер могуць падаражэць, асабліва для тых, хто раней лётаў з мінімальным наборам паслуг. У арганізацыі Airlines for Europe (A4E) мяркуюць, што адмена платы за ручную паклажу абмяжуе магчымасць кампаній вар'іраваць тарыфы.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары
А, так! Сваю абарону.
или 100 в сумме?
Непонятки.