Як мінімум 17 расійскіх дронаў заляталі ў Беларусь у мінулым месяцы, адзін з іх упаў
У чэрвені зафіксавана як мінімум 17 выпадкаў парушэння паветранай прасторы Беларусі расійскімі ўдарнымі беспілотнікамі падчас масіраваных атак на Украіну. Такія даныя атрыманыя дзякуючы маніторынгу, які вядзе рэсурс «Флагшток» праз украінскі канал «Рында мониторит».
Гэта ўжо трэці месяц запар, калі колькасць такіх інцыдэнтаў расце. Часцей за ўсё дроны заляталі з тэрыторыі Украіны праз Гомельскую вобласць, перасякаючы мяжу па Дняпры. Некаторыя беспілотнікі вярталіся на ўкраінскі бок, іншыя — знікалі, і іх далейшы лёс заставаўся невядомым.
Жыхары Рэчыцы паведамлялі, што 1 чэрвеня бачылі і чулі над цэнтрам горада дрон тыпу «шахед». Афіцыйныя структуры на месцы здзівіліся звароту журналістаў і заявілі, што нічога не ведаюць пра такі інцыдэнт.
Таксама вядома, што адзін з дронаў упаў 3 чэрвеня каля вёскі Ратміровічы на мяжы Глускага і Акцябрскага раёнаў. Мясцовая міліцыя папярэджвала жыхароў пра адказнасць за распаўсюд інфармацыі. Аднак сведкі распазналі дрон як расійскі «шахед». Пра выбух пры падзенні паведамленняў не паступала.
Афіцыйныя крыніцы традыцыйна не каментуюць сітуацыі, звязаныя з расійскімі беспілотнікамі на тэрыторыі Беларусі.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары