У Суле адзначылі Купалле. Гасцей было столькі, што на дарогах утварыліся заторы
У Вялікім княстве Сула з 4 па 6 ліпеня адсвяткавалі Купалле — адно з самых містычных і самабытных беларускіх святаў. Жадаючых трапіць на яго было столькі, што на дарозе адбыўся калапс.
Госці свята маглі далучыцца да розных майстар-класаў: па ткацтве зёлкамі, купальскіх спевах і пляценні вянкоў. Гучалі старадаўнія песні, ладзіліся гульні і забавы. Госці частаваліся стравамі народнай кухні, а ўвечары адбылося ўрачыстае распальванне купальскага вогнішча.
Кульмінацыяй святкавання сталі традыцыйныя скокі праз вогнішча і пусканне вянкоў па вадзе — старажытныя абрады, звязаныя з ачышчэннем, каханнем і надзеяй.
Людзей было столькі, што на дарогах утварыўся транспартны калапс.
Як распавяла ў тыктоку карыстальніца Ірына Собаль, за 5 км ад Сулы ўтварыўся корак. Людзі кідалі машыну і шлі пешшу, а некаторыя нават у адчаі разварочваліся.
Каментары
Замест аднаўлення сапраўдных гістарычных помнікаў, маёнткаў, палацаў - пабудаваць Сулу і апракінуць там чарачку