У двух беларусаў у Батумі канфіскавалі тры кілаграмы какаіну і 13 тысяч таблетак экстазі
Ім пагражае да пажыццёвага.
Да 3 кілаграмаў какаіну, 13 тысяч таблетак экстазі і асабліва буйную колькасць гераіну канфіскавала паліцыя ў двух грамадзян Беларусі ў Батумі, піша Newgeorgia.
Узрост абвінавачаных — 25 гадоў і 21 год. Следства лічыць, што наркотыкі яны планавалі рэалізоўваць у батумскіх начных клубах.
Велізарную партыю наркотыкаў знайшлі пры ператрусе на здымнай кватэры.
У мабільным тэлефоне ў аднаго затрыманага паліцыя знайшла «фатаграфіі канкрэтных месцаў, выбраных для продажу наркотыкаў».
Затрыманым пагражае да 20 гадоў або бестэрміновае зняволенне.
Каментары