Спецыяльны прадстаўнік прэзідэнта ЗША Кіт Келаг заявіў, што міжнародныя партнёры павінны дапамагчы Украіне ў аднаўленні, зрабіўшы для яе свой «План Маршала».
Келаг падкрэсліў важнасць аднаўлення Украіны. Ён згадаў, як пасля Другой сусветнай вайны ЗША ўвялі План Маршала для Еўропы, піша Укрінфарм.
«І я думаю, мы павінны зрабіць тое ж самае для Украіны», — сказаў спецпрадстаўнік, папярэдзіўшы, што гэта будзе вельмі складаная задача.
Па яго ацэнцы, сітуацыя цяпер вельмі складаная, таму неабходна дамагчыся спынення агню.
Келаг высока ацаніў дзеянні прэзідэнта Украіны і яго каманды «за тое, як разумна яны сябе паводзілі».
На перакананне дыпламата, спыненне агню сапраўды можа прывесці да завяршэння гэтай вайны. «Мне як былому салдату цяжка зразумець узровень гвалту, які цяпер вы назіраеце ва Украіне… Калі ты губляеш больш за мільён салдат, гэта забойства ў прамысловых маштабах», — сказаў ён, дадаўшы, што гінуць таксама мірныя жыхары, руйнуюцца гарады.
Для параўнання генерал у адстаўцы згадаў, што армія Злучаных Штатаў выйшла з В’етнама, страціўшы там 68 тысяч салдат. Як падкрэсліў Келаг, тады ЗША сказалі: «Стоп! Проста спыніцеся!»
І цяпер украінцы пагадзіліся на спыненне агню, але гэта была аднабаковая згода, канстатаваў ён.
Спецыяльны прадстаўнік прэзідэнта ЗША асабліва акцэнтаваў увагу на тэме вяртання ўкраінскіх дзяцей. Дональд Трамп, па яго словах, пераймаецца гэтай праблемай.
Келаг звярнуўся да ўкраінскіх вайскоўцаў, якія былі прысутныя ў зале: «Тое, што вы робіце сёння, заўтра стане легендай».
Уладзімір Зяленскі абмеркаваў з Кітам Келагам прыярытэты абароннага супрацоўніцтва, у тым ліку пастаўкі ўзбраенняў, умацаванне СПА і неабходнасць узмацнення санкцыйнага ціску на Расію.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары