Свет

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Пакупніком стаў прыватны калекцыянер з Японіі, імя якога не раскрываецца.

Фота: Edward Berthelot / Getty Images

Арыгінальная сумка Hermès, якая належала Джэйн Біркін і стала прататыпам мадэлі Birkin, была прададзеная на аўкцыёне Sotheby's за 10,1 мільёна даляраў, стаўшы найдаражэйшай сумкай, калі-небудзь прададзенай на таргах, піша Бі-бі-сі.

Пакупніком стаў прыватны калекцыянер з Японіі, імя якога не раскрываецца.

Папярэдні рэкорд належаў сумцы Hermès Kelly з кракадзілавай скуры з дыяментамі, прададзенай на таргах у 2021 годзе за 513 тысяч даляраў.

У паведамленні аўкцыённага дома гаворыцца, што сумка Birkin была прададзеная пасля прыкладна 10 хвілін таргоў, у якіх удзельнічалі дзевяць вельмі зацікаўленых пакупнікоў.

Самы жаданы модны аксэсуар

Чорная скураная сумка была створаная для спявачкі і актрысы Джэйн Біркін у 1985 годзе, пасля таго як яна, седзячы ў самалёце на суседніх крэслах з старшынёй праўлення Hermès Жанам-Луі Дзюма, упусціла сумку, з якой высыпалася ўсё змесціва.

Джэйн Біркін тады спытала свайго суседа, чаму модны дом не можа рабіць сумкі большага памеру са зручнымі кішэнямі.

Жан-Луі Дзюма пазней намаляваў эскіз жаночай сумкі, якая адпавядала пажаданням актрысы.

Пазней сумку з гэтым дызайнам модны дом Hermès выпусціў у продаж, і гэты аксэсуар з часам стаў адным з самых пазнавальных і жаданых раскошных аксэсуараў у свеце.

У 1994 годзе Джэйн Біркін прадала сваю сумку Hermès на аўкцыёне, каб сабраць сродкі для дабрачыннай арганізацыі па барацьбе са СНІДам.

Прадстаўніца аўкцыённага дома Sotheby's Морган Халімі адзначыла, што цана, па якой была прададзеная сумка, дэманструе «вялікую сілу легенды» і яе здольнасць заахвочваць калекцыянераў набываць рэчы з унікальнай гісторыяй.

«Прататып сумкі Birkin — гэта менавіта такая рэч, рэч, з якой пачалася выбітная гісторыя, рэч, якая дала нам сучаснага ідала, сумку Birkin — самую жаданую сумку ў свеце», — сказала Халімі.

Зараз некаторыя мадэлі Birkin каштуюць дзясяткі тысяч долараў. Сярод уладальніц такіх сумак — Кейт Мос, Вікторыя Бэкхэм і Джэніфер Лопес.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма9

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

Трамп і Пуцін абмяркоўвалі вайну ва Украіне1

Інфапункты для беларусаў за мяжой створаць у Вільні, Варшаве і Познані. Колькі ў іх будзе супрацоўнікаў і хто стане плаціць заробкі?6

Украіна трэці раз з пачатку тыдня атакавала Крымскі мост1

Карціна Ван Гога прададзена з аўкцыёну за рэкордныя 190,4 мільёна даляраў2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць