ЗША — краіна з самым высокім спажываннем кавы ў свеце — і прыкладна траціна гэтай кавы надыходзіць з Бразіліі.
Калі прэзідэнт Дональд Трамп з 1 жніўня ўвядзе, як ён збіраецца, пошліны ў 50% на імпарт з Бразіліі, то цэны на каву і апельсінавы сок могуць рэзка вырасці, піша Bild.
ЗША — краіна з самым высокім спажываннем кавы ў свеце — і прыкладна трэць гэтай кавы паступае з Бразіліі. Паводле дадзеных бразільскай экспартнай асацыяцыі Cecafe, у 2024 годзе бразільскія вытворцы паставілі ў ЗША каля 8,14 мільёна 60-кілаграмовых мяшкоў кавы. Аднак пошліны зробяць падобныя пастаўкі нявыгаднымі.
Бразільскі вытворца Паулу Армелін, які пастаўляе каву амерыканскім абсмажвальнікам, прызнаецца, што справы і без таго ідуць цяжка: «Ужо цяпер перамовы [з кліентамі] ідуць складана — пасля росту цэн на каву на 70 працэнтаў за мінулы год. Калі цяпер дадасца яшчэ і 50-працэнтная пошліна, нам давядзецца шукаць іншыя рынкі — магчыма, Германію».
Акрамя кавы, прадметам раскошы можа стаць і апельсінавы сок: больш за палову апельсінавага соку, які прадаецца ў ЗША, паступае з Бразіліі.
Могуць таксама прыкметна падаражэць цукар, вырабы з драўніны і нафта з Паўднёвай Амерыкі.
Эксперты папярэджваюць, што, у адрозненне ад многіх іншых, гэта будзе пошліна, якая хутка і наўпрост закране паўсядзённасць спажыўцоў — у іх стане менш кавы, соку і грошай. Бразільскім пастаўшчыкам жа давядзецца шукаць і пераарыентавацца на іншыя рынкі, што нанясе доўгатэрміновую шкоду гандлёвым адносінам Бразіліі і ЗША.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары
Мабыць ў іх таксама шчыруюць выпускнікі гора-горацкай разам з акадэмікамі кіравання.
Трэба ж людзям ранкам сябе стымуліраваць, дык чаму не стымуліраваць яшчэ амерыканскую эканоміку — няхай п’юць Monster замест кавы.
Купляйце амерыканскае.