Блогер патлумачыў, што яго анкета робіць на сайце знаёмстваў.
«Наша Ніва» знайшла анкету Пратасевіча на сайце знаёмстваў. Мяркуючы па ёй, Раман працуе барменам у бары «Бутлегер». Пасля публікацыі на «Нашай Ніве» Пратасевіч у сваім тэлеграм-канале патлумачыў, што гэта пакуль стажыроўка.
«Я не працую, а стажыруюся ў вар'яцка крутым бары «Бутлегер». Чаму стажыруюся? Адказ просты: я ўсё яшчэ праходжу навучанне па прафесіі бармена ў школе BarPortal, каб атрымаць і «пасведчанне», і міжнародны сертыфікат (які можа здорава спатрэбіцца ў будучыні)», — напісаў ён.
Таксама ён пракаментаваў інфармацыю наконт рэгістрацыі на сайце знаёмстваў.
«Трымаю ў курсе, што я ўжо больш за год у разводзе і магу сабе дазволіць знаёміцца з дзяўчатамі».
Яшчэ ў чэрвені ў інтэрв'ю «Спутніку» Пратасевіч на пытанні пра жонку не асмеліўся сказаць, што яны разышліся, наадварот — дзяліўся, што ў сям'і гатуе ён і яны абое не любяць супы.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары
Смешна у́ роце! Зробіць дакументы і звалиць)
Хацеу́ бы - зваліу́ бы! Там ён нІхто. А тут столькі у́вагі ад сЕлавікоу́!