Прапагандыст пахваліўся дарагушчай кухняй у сваім доме пад Мінскам. Ганарыцца, што аплаціў усё сам.
Беларускі зборшчык кухняў Kuhni Cherry апублікаваў рэкламны агляд адной са сваіх зробленых замоваў, на якім можна беспамылкова пазнаць Ігара Тура з ягонай жонкай Ксеніяй Шынгірэй.
Пара стаіць абняўшыся на новай кухні ў новым доме, праз вокны можна разгледзець новыя прыватныя дамы суседзяў. Справа адбываецца ў аколіцах Астрашыцкага гарадка, куды сям'я збіралася перабрацца бліжэй да рэзідэнцыі свайго працадаўцы.
Чытайце таксама: Як прапагандыст Ігар Тур стаў любімчыкам Лукашэнкі і колькі зарабіў у 2020-м
Удваіх яны хваляць аператыўнасць і прафесіяналізм падрадчыкаў.
Ксенія не хавае захаплення. Цёпла ўяўляе, як раздольна будзе на такой кухні дзецям, як рады яны ўсе будуць збірацца за адным вялікім сталом на фоне прыгожай і дарагой мэблі.
У Ксеніі — работніцы інфармацыйнага ўпраўлення МНС — ёсць дачка ад іншага мужчыны, а таксама сумесны сын з Турам.
Яе цяперашні муж прызнаецца, што жонка не ўдзельнічала ў абстаўленні кухні: «Для мяне як для чалавека, які займаўся фінансаваннем усяго гэтага пытання […]», — кажа Ігар Тур, хвалячы вытворцу.
Каб зразумець цану пытання, адзін з чытачоў «Нашай Нівы» пацікавіўся ў вырабніка, колькі каштуе такая самая кухня, як на відэа.
«Часам візуальна падобныя праекты могуць адрознівацца па кошце ў разы. У гэтым выпадку замоўца зрабіў выбар на карысць матэрыялаў і фурнітуры прэміяльнага сегмента. […] Кошт праекта пад ключ склаў 23 018 беларускіх рублёў», — адказалі ў кампаніі.
Гаворка ідзе толькі пра сам кухонны гарнітур, без уліку тэхнікі і матэрыялаў унутранага дэкору памяшкання.
Свой прэміяльны гарнітур сям'я дапоўніла і неабходнай тэхнікай: чорным двухдзверным халадзільнікам Techno, цана на які ў Беларусі пачынаецца ад 3200 рублёў, а таксама ўмантаванай духавой шафай і мікрахвалёўкай Haier, якія разам таксама каштуюць каля 3000 рублёў.
Такім чынам, калі ўлічыць і іншыя патрэбныя і не вельмі тэхнічныя рэчы, якія бачныя на кухні Тураў, можна канстатаваць, што прывядзенне 20 квадратных метраў кухні ў пажаданы выгляд каштавала прапагандысту не менш як 30 тысяч беларускіх рублёў.
На гэты момант на сайце АНТ прадстаўлена толькі чатыры вакансіі, у якіх мае патрэбу канал.
Так, інжынеру відэамантажа абяцаюць чыстымі 1350-2100 рублёў, рабочаму па комплексным абслугоўванні будынка — 1300-1350 рублёў, спецыялісту па закупках — 1950-2100 рублёў, прыбіральшчыку — 700-750 рублёў на месяц.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення1
Каментары