Блогер Сяргей Пятрухін распавёў у фэйсбуку, што новая работа лягчэйшая, цікавейшая і за яе больш плацяць, чым на дастаўцы ежы.
«Знайшоў новую працу. Буду здымацца ў кіно. Серыялы. Заўтра пачынаю. Маю 5 кропак на тыдзень. Можа каму прыдасца. Уроцлаў», — напісаў Пятрухін.
Паводле яго слоў, статыстам лягчэй і цікавей чым на уберы. Цікавей і па грошах. Стаўка на гадзіну ад 85 zł brutto (каля 20 еўра).
«Хто ведае, можа пашчасціць і польскія рэжысёры ўбачаць усю бездань майго драматычнага таленту і дадуць мне галоўную ролю?» — напісаў блогер, дадаўшы смайлікі.
У студзені блогер распавёў, што ўладкаваўся ў Польшчы дастаўшчыкам ежы ў сэрвісе Uber Eats.
Блогер Сяргей Пятрухін стаў вядомы ў сярэдзіне 2010-х дзякуючы праекту «Народны рэпарцёр». Разам з Аляксандрам Кабанавым ён здымаў ролікі пра жыццё Брэста і праблемы гараджан.
Пятрухін быў арыштаваны ў чэрвені 2020-га, яшчэ да выбараў. Яму і Кабанаву прысудзілі па тры гады калоніі. Пасля вызвалення ў снежні 2022-га Пятрухін вярнуўся ў Брэст, дзе пражыў больш за год. У студзені 2024-га блогер выехаў у эміграцыю.
У Польшчы Пятрухін аднавіў «Народны рэпарцёр», акцэнт яго ўвагі змясціўся на пошук нядобрасумленных прадстаўнікоў апазіцыі.
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ6
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
Дзякуй Богу, спадар Сяргей, што вы ў нас ёсць у гэтай клаацэ "талентаў" грантавага фронту!