Былы прэзідэнт Малдовы марыць пасля выбараў аднавіць адносіны з Лукашэнкам
Лідар прарасійскіх сацыялістаў Малдовы, былы прэзідэнт гэтай краіны Ігар Дадон пасля візіту ў Маскву наведаў і Мінск, дзе 12 ліпеня сустрэўся з Аляксандрам Лукашэнкам. Ён паабяцаў, што ў выпадку перамогі на хуткіх выбарах у Малдове выведзе адносіны паміж дзвюма краінамі на «новы ўзровень».
Паводле Ігара Дадона, у апошнія тры гады тавараабарот паміж Малдовай і Беларуссю знізіўся, але ёсць усе шанцы для яго росту. Ён адзначыў, што пасля перамогі на парламенцкіх выбарах плануе зняць перашкоды для ўзаемнага гандлю, аднавіць працу міжурадавай камісіі, арганізоўваць бізнэс-форумы і рэалізоўваць сумесныя праекты з беларускімі кампаніямі.
Дадон назваў Беларусь «надзейным і прадказальным партнёрам» і выказаў перакананне, што «з прыходам адказных палітыкаў да ўлады» адносіны паміж краінамі палепшацца.
Раней, 10 ліпеня, Дадон пабываў у Маскве, дзе сустрэўся з намеснікам кіраўніка ўрада Расіі Аляксандрам Новакам. Яны абмяркоўвалі магчымасць аднавіць прамыя пастаўкі расійскага газу ў Малдову — «пасля змены ўлады» на выбарах.
Таксама стала вядома, што Дадон вядзе перамовы пра стварэнне левага палітычнага блока напярэдадні парламенцкіх выбараў.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна14
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары
[Зрэдагавана]