Раней Трамп называў НАТА састарэлым альянсам, моцна крытыкаваў, вінаваціў краіны НАТА, што яны разлічваюць не на свае сілы, а на ЗША, і недастаткова выдаткоўваюць на абарону.
Дональда Трампа карэспандэнт BBC спытаў пра альянс НАТА.
На пытанне, ці Трамп усё яшчэ лічыць альянс «састарэлым», той адказаў: «Не. Я думаю, што НАТА цяпер становіцца супрацьлегласцю гэтага», бо альянс «аплачвае свае ўласныя рахункі».
Ён сказаў, што ўсё яшчэ верыць у калектыўную абарону, бо гэта значыць, што меншыя краіны могуць абараняцца ад большых.
Падчас свайго прэзідэнцтва Дональд Трамп неаднаразова выказваў крытычныя заўвагі адносна фінансавых абавязкаў саюзнікаў у рамках НАТО, прасоўваючы палітыку «America First».
У 2016—2018 гадах ён сцвярджаў, што ЗША нясуць непрапарцыйна вялікія выдаткі на абарону і «абараняюць краіны, якія самі за сябе не плацяць». Ён наўпрост папярэджваў, што Злучаныя Штаты могуць перастаць абараняць тых, хто не выконвае ўзятыя фінансавыя абавязкі.
У 2025 годзе Трамп яшчэ больш жорстка сфармуляваў сваю пазіцыю, заявіўшы, што гатовы «ахвяраваць» абаронай краін‑удзельніц, якія адмаўляюцца павышаць выдаткі на абарону, фактычна ставячы пад сумнеў прынцып калектыўнай абароны, замацаваны ў артыкуле 5 Паўночнаатлантычнага дагавору.
На саміце ў Гаазе ў чэрвені краіны пагадзіліся да 2035 г. павысіць выдаткі на абарону да 5 % ВУП.
Каментары