Гастралёр-замежнік абакраў у Бабруйску тры кватэры, а ў чацвертай нарваўся на гаспадыню
«Гастролі» цягнуліся каля сутак.
За гэты час 49-гадовы мужчына, выкарыстоўваючы адмычку і падбіраючы ключы, узламаў і пагаспадарыў у трох кватэрах.
У адной з іх ён выкраў ноўтбук і планшэт, у другой — больш за 20 ювелірных вырабаў з золата і срэбра, дублёнку і ноўтбук, у трэцяй — не знайшоў цікавых для сябе каштоўнасцей і пакінуў поўны беспарадак. У чацвёртай кватэры яму не пашанцавала яшчэ больш — яго сустрэла гаспадыня, паведамляе Дзяржкамітэт судовых экспертыз.
Супрацоўнікі міліцыі аператыўна затрымалі зламысніка, усё скрадзенае было канфіскавана ў аўтамабілі, які мужчына ўзяў напракат.
Па крымінальнай справе праведзены шэраг судовых экспертыз, у тым ліку таваразнаўчая — для вызначэння кошту скрадзенага.
Судовы эксперт-таваразнавец Бабруйскага міжраённага аддзела Дзяржаўнага камітэта судовых экспертыз устанавіў рэшткавы кошт 23 ювелірных вырабаў (6 — са срэбра, 17 — з золата), ён склаў больш за 6000 рублёў. Агульны кошт скрадзенага — больш за 8200 рублёў.
Мужчыну асудзілі на два гады з адбываннем у выпраўленчай калоніі ва ўмовах агульнага рэжыму.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары