Жонка кіраўніка IT-кампаніі, якога заўважылі на канцэрце з калегай-каханкай, адрэагавала на сітуацыю
Меган Керыган Байран і яе сям'я атрымалі славу, якой відавочна не хацелі.
Пасля таго як кадры з канцэрта гурта Coldplay выклікалі ажыятаж у сацсетках, увага грамадскасці звярнулася не толькі да галоўных герояў відэа, але і да сям’і аднаго з іх. Журналісты спрабуюць даведацца, кім з’яўляецца жонка кіраўніка IT-кампаніі, чые абдымкі з іншай жанчынай трапілі на вялікі экран.
У сераду, 16 ліпеня, на канцэрце гурта Coldplay у ЗША камера выпадкова зняла кіраўніка IT-кампаніі Astronomer Эндзі Байрана і дырэктарку аддзела кадраў Крысцін Кабот, якія стаялі абняўшыся. Відэа паказалі на вялікіх экранах стадыёна падчас песні як частку традыцыйнага моманту kiss cam (камеры для пацалункаў).
Журналісты амерыканскіх СМІ паспрабавалі звязацца як непасрэдна з самім Байранам, так і з яго жонкай — Меган Керыган Байран. Але іх пытанні засталіся без адказу.
Паводле журналістаў, старонкі Меган у фэйсбуку і інстаграме былі актыўныя яшчэ раніцай у чацвер, 17 ліпеня, да таго, як відэазапіс стаў вірусным. Аднак пазней яны былі выдалены. Яе муж выдаліў свой профіль у LinkedIn.
Як стала вядома, Меган Керыган 50 гадоў. Яна працуе намесніцай дырэктара пачатковай школы і адказвае за прыём дзяцей у спецыяльную праграму Hope Graham у прэстыжнай прыватнай школе Bancroft. Яе добра ведаюць як спецыялістку ў інклюзіўнай адукацыі.
Паведамляецца, што на старонцы Меган у фэйсбуку былі сямейныя фотаздымкі. Інтэрнэт-карыстальнікі заўважылі, што Меган спачатку прыбрала прозвішча «Байран» са свайго профілю, і толькі праз некаторы час увогуле выдаліла акаўнт.
Журналісты высветлілі, што сямейная пара жыве ў невялікім гарадку ў штаце Масачусетс. У пары двое агульных дзяцей. Дом сям'і знаходзіцца недалёка ад горада Фоксбара, дзе ў сераду на вялікім стадыёне і адбыўся канцэрт гурта Coldplay.
Пара валодае домам, які каштуе больш за мільён долараў. Афіцыйна гэты дом аформлены праз траст — спецыяльную юрыдычную схему, якая часта выкарыстоўваецца для таго, каб схаваць сапраўдных уладальнікаў маёмасці.
Цяпер чытаюць
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»6
Каментары
Гэта не "грамадскасць", гэта малпы, якія падглядаюць у замочную шчыліну за чужым прыватным жыццём. І медыя дэградуюць разам з гэтымі малпамі.
Ну што там можна даведацца, для чаго шукаць кантактаў з удзельнікамі банальнай гісторыі? Тым больш з жонкай, якой і так не да таго.