Для беларускага фестывалю вырабілі трохметровы хот-дог ФОТАФАКТ
На фестывалі народнага гумару ў вёсцы Аўцюкі Калінкавіцкага раёна 19 ліпеня прадставілі гіганцкі хот-дог даўжынёй тры метры. Яго спецыяльна зрабілі на Калінкавіцкім мясакамбінаце для гасцей свята, піша БелТА.
Унутры хот-дога былі трохметровая сасіска, шмат гародніны, соус і кетчуп. Гатавалі аснову яшчэ напярэдадні вечарам, а на сам фестываль толькі дадалі астатнія інгрэдыенты.
Паспрабаваць гэты незвычайны фастфуд мог кожны ахвотны — утварылася чарга.
Акрамя хот-дога, на фестывальных пляцоўках гасцей частавалі рознымі стравамі, многія з якіх прыгатаваныя паводле старадаўніх рэцэптаў, якія не знойдзеш ні ў адной кулінарнай кнізе.
Каментары