Выставілі на аўкцыён кватэру з самага высокага ў Беларусі панэльнага хмарачоса
У Гомелі выставяць на аўкцыён трохпакаёвую кватэру, што знаходзіцца на 22-м паверсе першага гарадскога хмарачоса на вуліцы Мазурава, піша «Белка».
Будынак, пра які ідзе гаворка — самы высокі панэльны дом не толькі ў Гомелі, але і ва ўсёй Беларусі. Пра яго здачу паведамлялі ў маі гэтага года.
Плошча кватэры — 80,2 квадратнага метра, унутранага аздаблення няма. Пачатковая цана — 261 981 рубель, што складае прыкладна 3266 рублёў за квадратны метр — амаль столькі ж, колькі ў кватэрах у суседніх хмарачосах, што зараз будуюцца.
Кватэра мае вокны на некалькі бакоў, у тым ліку з відам на азёры і лес. Нізкая забудова ў мікрараёне №18 не перашкаджае агляду.
Аўкцыён адбудзецца 25 жніўня ў адкрытым фармаце. Заяўкі прымаюцца да 16:00 21 жніўня. Каб удзельнічаць, трэба зрабіць заклад 5000 рублёў — яго вернуць усім, акрамя пераможцы. Крок таргоў — 5% ад пачатковай цаны. Калі ўдзельнік будзе толькі адзін, ён атрымае кватэру па пачатковай цане плюс 5%. Увесь кошт неабходна аплаціць на працягу 20 дзён.
Як адзначыў начальнік упраўлення капітальнага будаўніцтва Гомельскага ДБК Андрэй Чысты, у гэтым 24-павярховым доме такая кватэра — адзіная. Яна першапачаткова не прадугледжвалася для продажу па долевым будаўніцтве. У суседнім доме, што будуецца па такім жа праекце, яшчэ 24 кватэры на верхніх паверхах таксама будуць прадавацца праз аўкцыён пасля здачы дома.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары